10 حقائق عن المحامين لم تكن تعرفها من قبل

10 حقائق لا تعرفها عن المحامين

كثير من جيل الشباب يلهث ليحمل كارنيه نقابة المحامين

 ويحرص علي تجديده وآخرين يرون انها مهنة فلوسها حرام فالحل والحرمة موجودين في كل المهن ويستطيع الممتهن أن إتقي الله أن يعيش من حلال كما يمكن أن يكون غير ذلك.

فمهنه المحاماه الوحيده التى لا تقبل من هوا غير اهل لها. فلا تثقل نفسك بمن يتحجج بهذه الحجج للاقلال من نفسه ، او حتى يبرر ليترك مهنة العظماء بدون ندم وتأنيب .

١- لا يوجد محامي بيبيع موكله لخصمه

٢- لا يوجد محامي متواطئ وقد يوجد محامي متباطئ

٣- لا يوجد محامي نصاب ولكن هناك محامي يغالي في أتعابه

٤- لا يوجد محامي بيكسب عالطول ولكن هناك محامي واثق في نفسه زيادة شوية

٥- لا يوجد محامي لا يعرف معلومة تخص قضيتك ولكنه قد يخفيها عنك لانك دائما تقول لما تكسب القضية المحامي عمل ايه يعني

٦- لا يوجد محامي لا يفتح المراجع ولا يتبع أحكام محكمة النقض و تطور القوانين ولكن هناك محامي كسول ويعتمد علي سماع المعلومة من زملائه و علي التعامل مع الواقع العملي وحضور الجلسات

٧- لا يوجد محامي يريدك الاتكسب قضيتك ولكن يوجد محامي لا يرضي أن تفرض عليه اسلوبك وطريقتك وتتعامل معه كانك بتقول للحاجه في البيت جهزي الاكل بعد ساعه

٨- لا يوجد محامي غلبان وطيب ومش هيعرف يتعامل من محامي الخصم ولكن في محامي شريف ولا يتعامل مع الملوثين وهذا هو من سياتي بحقك ولن يورطك أو يوقعك تحت طائلة القانون الجنائي

٩-لا يوجد محامي يدرس القضايا و يقوم بالتعامل مع السكرتارية و المحضرين ويحضر القضايا ويستخرج الأحكام وحده وانما المحامي له اذرع و آليات في العمل زملائه وأعوانه وتلاميذه قد يحضر لك جلسة أو يحضر عنه زميل

١٠- لا يوجد محامي لا يعرف اتجاه المحكمة أو توجهها أو ما تقبله من الدفوع ولكن هناك محامي لا يذهب الي المحكمة وينظر في الأجندة ويسأل الزملاء والسكرتارية.

بقلم المحامي مصطفى مقلد 

Adham Mohamed Hamza Shazly

• اللي فاهم طببعة مهنة المحاماة وعايز يبقى محامي ويجتهد لتحقيق ذاته وتحقيق نجاح في المهنة ورفع شأنها اهلا به واللي معندوش قناعه بالمهنة فالباب مفتوح على مصرعيه مع السلامه والقلب داعيله بس ميقرفش فينى ويحرم علينا عيشتنا وهو اصلا مش فاهم حاجه تعبنا من حكاية عايز اسيب المهنة او المهنة حرام او انصحوني اعمل ايه..

•  هو انت عايزنا نحللك اللى انت شايفه حرام ولا انت عايزنا نحتفل بك ونعملك حفله عشان احنا بنشتغل شغله حرام وانت بقى الواد المؤمن الطاهر اللي اعلنت توبتك وربنا نجاك من اللي احنا فيه ياريت تعمل اللي انت عايزه في سكوت وتسيبنا نعمل اللي احنا عارفينه وعايزينه بس ياريت قبل ما تتكلم او تقول اي حاجه حاول تفهم .. المحامي اسماعيل المري.