قانون الخلع طوق النجاة لإنهاء معاناة الزوجات المعلقات

قانون الخلع و الزوجات المعلقات - الامارات 

قانون الخلع طوق النجاة لإنهاء معاناة الزوجات المعلقات

رغم أن قانون الخلع كان طوق النجاة لكثير من السيدات الراغبات في الإنفصال و التخلص من حياة زوجية تعيسة .. إلا أنني كنت دائماً ضده من حيث المبدأ .. فكنت أرى أنني لست جارية مملوكة لسيد.. يجب أن تدفع ثمن حريتها و إستلام صك عتقها منه ..

أنا كنت زوجة .. و خلال هذا الزواج تمت مشاركتي في جسدي و مالي و حياتي و قراراتي .. لذلك كنت أرى أن الطرف الآخر الذي كان شريكاً في المكاسب .. يجب أيضاً أن يكون شريكاً في الخسائر .. و كما تحمل الطرفان مسئولية كبيرة لإتمام الزواج .. يجب أن يتحملا أيضاً مسئولية الإنفصال و توابعه بشكل مشترك .

و في تجربتي الشخصية إخترت رفع دعوى تطليق لإستحكام الخلاف و النفور و إستحالة العشرة و ليس الخلع .. رغم أن مدة الفصل القضائية تصل إلى ضعف المدة .. فبدلاً من الإنفصال بعد عامين .. إنفصلت بعد ٤ أعوام .. طُلبت خلالها خمس مرات في بيت الطاعة .. بمفهومه السينمائي ( حصيرة و كنبة و عفشة مية و جيران مسلمين).. و بسبب الرشوة و التواطئ و الخيانة من محامين سابقين .. تم تمرير أحد هذه الإنذارات دون علمي لُأمنع من الإعتراض عليه ..

و بالتالي صدر ضدي حكم بالنشوز ..تم على إثره حرماني من نفقتي كزوجة لمدة عام قبل الإنفصال .. و التي لم أتقاضى منها جنيهاً واحداً حتى اليوم.. لا هي و لا حتى نفقة أطفالي.

و لكنني عندما أخذت حريتي بكامل حقوقي .. التي لن أتقاضاها سوى برفع دعوى جديدة ستمكث في المحاكم لسنوات جديدة ، شعرت بالتعويض المعنوي نوعاً ما، فقد كان إقرار هذه الحقوق لي بمثابة شرط جزائي سيدفعه الطرف الآخر لي نظير إخلاله بشروط التعاقد التي بموجبها تم الزواج.

لذلك رغم المكاسب التي جنتها النساء المظلومات من قانون الخلع، إلا أنني أرى من وجهة نظري أنه ضمن أشكال تسليع المرأة و إرهاقها و إهدار كرامتها .. لدرجة شراء حريتها بالمال ..و عدم تعويضها عن سنوات قضتها كزوجة في حياة مشتركة مع شخص يأخذ مقابلاً لكي يتركها، و كأنه يبيع سريراً مستعملاً لتاجر روبابيكيا..

كل ما أتمناه.. أن يتم إصلاح منظومة الأحوال الشخصية لتعامل المرأة بتشريعات إنسانية لا تمتهنها و. لا تسلعها و تضمن لها العدالة الناجزة و سرعة إقرار الحقوق، حتى لا تغتال مزيد من السيدات بسيف القهر والمهانة و التسليع و الإهانة..

#الدكتورة_بنت_الباشمهندس

مداخلات القراء 

Nancy Karim بس للاسف عقبال ما تحصل الست ع حريتها زى ما انتى عملتى كده بتكون خسرت كتير من وقت ومجهود واعصاب وعمر وفلوس ع المحاميين ده غير استغلال محامي الطرف الاخر للقانون ورفع قضايا ضدها زى بيت الطاعه وخلافه فالخلع احسن مع هذه المجتمعات الغبية الجاهلة حتى لو كان فيه تسليع للمراه بس افضل من الخساره الكبيره ال هتخسرها الست دعوى الطلاق , اصل المجتمعات المتخلفه دى مش هيفهموا ان ده تسليع للمراه اصلا ولا اهدار كرامتها ولا الكلام الكبير ال بتقوليه ده , دول بيفهموا ف تعذيب المراه وبس !

حسن عبد السلام للاسف القوانين عندنا تابوهات عفا عليها الزمن وما اتبعتيه هو القانون المؤلم واعتقد محدش عنده ارادتك ولامعتقداتك ولا ثقافتك عشان كدا الخلع زى كل حاجه افاد ناس وضر ناس ولو تتابعى القضايا دى والله حاتصعقى مما وصلنا اليه من انحدار وموت للضمير فى التعامل لكن اجمل حاجه بتعمليها هو الاعتراض ورفض الواقع المرير مسألة وقت ولكن حراك ايجابى فعلا.

Hanan Hanan قانون الأحوال الشخصية مريض جدا وال بتلجأ للخلع بتكون خارج إرادتها وخصوصا لو الزوج بيتستخدم كل الأساليب لتحطيمها نفسيا وجريها في المحاكم سنوات حتي لاتحصل علي حقوقها المادية فبتلجأ للخلع لتنجو من سنوات ألم وبهدلة في المحاكم وقد يكون في النهاية العائد المادي قليل جدا (النفقة)

Marmar Mohammed يتخلع يا دينا زى فردة الجزمة ويغور لو كان المقابل شراء الحرية وسنين بتضيع فى المحاكم وتعب قلب مع المحاميين وكلة من عمر الست .على فكرة اوقات بيبقى هو دة اللى عاوزة الراجل .انة يدوخها ويتعبها ويضيع سنيين عمرها جرى وراء نصب المحاميين وطولة بال المحاكم . بالخلع بتبقى داست على اخر حتة فى كرامتة لو عندة كرامة .وانا لغاية دلوقت مش فهمة يعنى اية ناشز وبيت الطاعة دى وازى واحدة تجبر انها تعاشر او تعيش مع انسان بتحتقرة او بتكرة !!!وازى هو يقبل ؟

Zakaria Zein Elabdein Khalil و ما ذنب الزوجة المهضوم حقها فى ان تكبل و تطلب فى بيت الطاعة و ما ذنب الاطفال ان يكون ابوهم جاحد ظالم عديم الرجولة و فاقد للمفهومية بصراحة القوانين فى جملتها تحتاج قوانين تصلح من شأنها و تعطى كل ذى حق حقه بالعدل و القسطاس المستقيم . فى الدول الاجنبية المطلقة تحصل على نصف ممتلكات المطلق .

Posy Esmaiel قانون الطاعه اسوأ قانون  واللي عملوه وبيحكمو به عايزين الحرق او الموت رجما. بديل ده الخلع تخلعه كأنه فرده جزمه مدام طلبت الطلاق ورفض يبقي يستاهل يبقي كده وده عشان يهرب من حقوقها الماديه يبقي برضو جزمه ويستاهل تخلعه وترميه علي اقرب صندوق زباله . يبقي مش راجل لورفض يطلقها وهي رافضاه ومش راجل لما يرفض يديها حقوقها . يبقي ايه؟ جزمه وتخلعه .

Noha Mohamed اخلعيه واشترى نفسك احسن حقوقك اللى هتدورى عليها هتدمرك نفسيا ولما النفسيه تتدمر مش هيعالجها مال قارون خلصى نفسك يادينا والحقى احلى سنين عمرك وعيشي سعيده بدل ماتجرى ورا حق حتى اذا اتحكم لك مش هتاخديه لان الرجال نوعين راجل اتعود يسعد اللى معاه ويتقى ربنا فيها ولوماحصلش نصيب بيفضل راجل معاها والنوع التانى راجل انانى اتعود ياخد بس واللى اتعود ياخد مابيديش وعنده يموت ولاتطولى منه حق.

اجراءات الخلع في الامارات للوافدين رفض الزوج الخلع شروط الخلع في الاسلام حقوق الزوجة بعد الخلع كم نفقة المطلقة في الامارات اجراءات الطلاق في الامارات للوافدين تكاليف قضية الخلع نموذج طلب خلع.