هل يمكن الاعتراض على حكم الخلع امام محكمة الاحوال الشخصية

هل يمكن الاعتراض على حكم الخلع

هل يمكن الاعتراض على حكم الخلع امام محكمة الاحوال الشخصية 

هو حكم الخلع ينفع نطعن عليه ؟؟! ... 

السؤال دا متكرر في حالات الخلع .. يعني مثلا تيجي زوجة تتسرع وتروح خالعة .. وبعد كدا تفهم انها اتسرعت وكلام كدا .. المهم بتتفق مع الزوج انهم يرجعوا .. وهنا يسألوا هو احنا ينفع نطعن على الحكم او نلغيه في سبيل انهم يصححوا الوضع ؟؟!! 

هنا ممكن يتم تصحيح الوضع ولكن مش بالطعن على حكم الخلع ودا لأنه غير قابل للطعن ..

الخلع هو طلاق بائن غير قابل للطعن عليه بأي طريق من طرق الطعن . واللي قال كدا نص الفقرة الأخيرة من المادة 20 من القانون رقم 1 لسنة 2000

يبقى حضرتك مفيش طعن .. وحتى يتم التصحيح وبما ان الخلع هو طلاق بائن بنحدد بقى الوضع من الناحية الشرعية .. وطبعا بعد الخلع لا يجوز في مراجعة الزوجة خلال فترة العدة (لأنه مش رجعي) .. هو بائن ويحسب من الثلاث يعنى اذا كان غير متمم للثلاث يبقى مهر وعقد جديد.

مكتب نور للمحاماة والاستشارات القانونية

بنرد علي كل استفساراتكم على صفحتنا علي الفيسبوك..

هل الصيغه التنفيذيه لدعوى الخلع يتم اعلانها للمدعى عليه؟

أم يتم التنفيذ بموجب اصل الصيغه التنفيذيه وبدون اعلانها ؟ وهل هناك خطاب موجه من المحكمة الى السجل المدنى لتغيير الحاله الاجتماعيه بجانب الصيغه التنفيذيه فقط ؟

المستشار عبد العزيز احمد لا مش لازم تعلن وبتاخدي صيغه تنفيذية اصل وبتاخدي واحده تانيه طبق الاصل موجهة للاحوال المدنيه واخطار للاحوال المدنيه معاها وتروحي الاحوال بالاخطار والصوره طبق الاصل الموجهة للاحوال المدنيه تغيري البطاقه واوعي بتوع الاحوال ياخدو منك الصيغه الاصل دي بتشليها في البيت لحد ما المأذون يجي يكتبلك مره تانيه وبتطلعيله الصيغه الاصل لان من غيرها مش هايكتب .

المحامي محمود عمر لا يشترط الإعلان والأوراق المطلوبة لاستخراج وثيقة الطلاق في السجل أصل الصيغة التنفيذية واخطار قلم الكتاب من عند رئيس القلم وصورة وثيقة الزواج ونماذج من الاحوال المدنية لتسجيل الحكم وطابع ب 100درهم