جريمة تبديد (إيصال أمانة)

استشارة قانونية في جنحة تبديد (إيصال أمانة)

Nada Ashour

تم التصالح مع المجني عليه و حصل المتهم على اصل الايصال و وعد المجني عليه المتهم بالحضور في الجلسة و التصالح و لكن يرفض الان الحضور و الإقرار في الجلسة بالتصالح و اصل الايصال في حوزة المتهم.انا عن المتهم اتصرف ازاياحضر و اطلب من المحكمة تعلنه بتقديم اصل الايصال و لا احضر و اقدم اصل الايصال و اقول ان تم التصالح.

المحامي Mohamed Taha احضر واجحد الصورة الضوئية واعلنه بقديم الاصل طبعا مش هايقدم تاخد براءة لخلو الدعوة من مستند . لحد كدا تمام بعدها بصورة المحضر والحكم واعمله جنحة بلاغ كاذب واطلب تعويض وربيه علشان يتعلم الادب.

Ahmed Aweeda حضرتك يا استاذه فى السؤال جاوبتى ساهله اجحدى الصوره والضوئيه واطلبى اجعل للاعلان بتقديم اصل الايصال بس طبعا الايصال مع المتهم يبقى تطلبى البراءه لخلوه الجنحه من المستندات بس خلاص تحياتى.

Jan Ramy يا اساتذه اصل الايصال اصبح فى حوزه المتهم ع حسب كلام البوست وهو لم ينهى الأمور المأليه الى عليه فى هذه الحالة لابد من وجود شهود لإثبات أن المتهم حصل ع اصل الايصال للتصالح ولكنه خالف وعده.

Ahmed Eid Lawyer جحد الصوره الضوئيه والزامه بتقديم الاصل لعل عمل محضر سرقه لايصال الامانه في نفس اليوم وتقديمك لاصل الايصال يكون مصداق لكلامه الباطل دا طبعا طالما هو شخص سئ النيه وفقا لحديثك فاتخذ حذرك ياخي الفاضل.

Noaman Abo Seta حتقدم اصل الايصال كدليل علي السداد وتعلنه ممكن المحكمه متاخدتش بطلبك ده وتقولك هاتو يتصالح ولو كنت مصمم وحتعمل كده اعمل محضر ولو فيه شهود حطهم وصوره رسميه وقدمه واحالتها للتحقيق ومثول المجني عليه اااو تجحد الصوره وفيه دواير تقولك اطعن بالتزوير فاطعن ممكن تتكعبل شويه انك حتدفع امانه وحضور متهم بشخصه لكن عدم تقديم الاصل براءه الطب الشرعي مبينظرش الصوره اصلا.

احمد سمير خلى بالك ع شان ممكن يكون بدل الايصال قبل ما يدهولك بتوقيع تانى واصل الايصال مازال عنده فتأكدى ان اصل الايصال الصحيح والسليم واللى حامل التوقيع الاصلى هو اللى استلمه المتهم وتكون دى حركه منه اما لو انت متأكد من الايصال اللى معاكى اجحدى الصورة الضوئية واطلبى اصل الايصال .. طبعا مش هيجيبه .. فإتهمية باسائة استخدام التقاضى و طالبيه بالتعويض وبكدة يكون درس ليه ... خالص تحياتى.

Muhammad Saeed Abdou زي ما افاضوا الاساتذة جحد الصورة الضوئية ومطالبة المجني عليه باحضار اصل الايصال يعلن مرتين وتاخدي براءة ان شاء الله لكن كان من الاولي مع التصالح في البداية عمل توكيل خاص بالجنحة باسم محامي المتهم قبل الجنحة بيوم حتي لا يتمكن من الغاءه في اليوم التالي يكون الجلسة ويقر فيه بالتصالح ولا يتمكن المجني عليه من الغاءه