ادارة مكتب المحامي الناجح ليست بالمهمة السهلة

تأكد أن اصعب ما فى المحاماة #عبقرية #إدارة #مكتبك 

بقلم المحامي محمود عمر 

أنت تلاقيها صعبة شوية لأسباب 

أولا/ الموكلين بتعشق المحامى صاحب الشعر الأبيض ، بيحس معاه بالأمان ، وبالفعل هو حتى لو معلومته ضعيفة وبالنسبة لأقرانه ضعيف إلا إن خبرته ثقيلة من خلال تجاربه سنين وسنين حتى ( مش هنقول من خلال إطِّلاعه ) .

الحل / حضرتك لااازم تعوض ده بإطلاع المحارب ( حرب ) البقاء فيها للأقوى ، ومنافسة شريفة تخليك متواجد ، و الناس تلمس منك قوة المادة العلمية اللى تحققله مطلبه ، وتنتج له فى شغله .

ثانياً / غالبا فى طبقتنا المتوسطة وخصوصا الأيام دى السادة الزملاء ( نقض مثلا ) مع كتر الشغل ( ربنا يزيدهم ) مبتفرقش معاهم أوى الماديات ، لأن الشغل بيشيل بعضه عندهم ، دا بالإضافة لأن غالبهم عنده مشروع خاص أو سايب فلوسه شغالة مع حد وبتدر عليه دخل شهرى محترم أو ماسك شغل شركتين تلاتة بيتقاضى منهم مرتب ثابت شهرياً فمش فارق معاه أوى زى حضرتك ، فبيحرقك -- مقدرش أقول بقصد طبعا -- أنت كمحامى صغير مش معاك غير الدعوى دى مثلا وهتفضل رايح جاى عليها وبالتالى بتكون مش مجزية وبتشتغلها وحضرتك طهقان .

الحل / أى محامى بيقول لحضرتك اشتغل غالى و إعمل سعر لنفسك وقيمة والكلام ده والموكل بيحب اللى بيدفعه أكتر ، دا بيكون حاجة من الإثنين :

• 1/ إما إنه مش حاسس بيك تماااما ولا شايفك 
• 2/ و إما إنه بجد بيضل حضرتك علشان حالك يقف

نصيحة أخوك الأصغر سنا ومقاماً / مفيش قاعدة إسمها سعرك غالى تبقى شاطر ( مفيش الكلام ده ) ، وبالشكل ده لن تقوم لك قائمة ( اللى بيقولك كده بيقولك بعد ما راقت معاه وبدأ مع كتر عدد الموكلين يفررررض أتعابه ، بيقولهالك بعد عشرة خمستاشر سنة محاماة مثلا ، وبعد ما قعد على كرسى مكتبه وحط رجل على رجل كمان ) . 

وتأكد إنه فى بدايته اشتغل بأرقام ضعيفة جدا بالنسبة لوقته برده ، فده طبيعى ، و دى سنة الحياة ، كل شئ بيبدأ صغير وبعدين يكبر .

حط نفسك كده مكان الموكل 

لقيت ايه ؟ 

لقيت إن إحنا كبشر طبيييعى جدا بنحب المادة ومبنحبش ندفع كتير ، فهروح لمحامى كبير بس ( حنيين ) وفى نفس الوقت شاااااطر ، ما أنا برده مش غبى علشان أضيع نفسى

خليك أنت بقا المحامى ( الحنين الشاطر ده ) علشان تعرف بسسسس تبدأ وتتحرك وفى جيبك فلوس تخرج بيها من القرية للمدينة ، يبقى معاك فلوس تطور من نفسك وتاخد كورسات مثلا تحضر مؤتمرات ، ومتقولش لحد ادينى أو سلفنى الله يكرمك ، تعمل من مكتبك المتواضع فلوس تعديك للأعلى والأحسن ، واوعى تصدق وهم إنك من اول يوم هتطلب آلاف مؤلفة ، ولا حتى من أول سنة .

طب والسن يا أستاذ محمود ؟ 

ما إحنا قولنا فوق بقا 👆 ( بعلللللمك ) أجبر الفارق ده بينك وبين المحامين كبار السن وتخطى الفجوة دى بالعلممممممم .

نصيحتى / لم توكيلات كتييير حتى لو يادوب ممشياك ، قرب من الناس ، حسسهم بالفعل إنك خايف عليهم مادياً ومعنوياً ، واللى ملوش طلب مش هنعمله لأن ده مكلف عليك بدون طائل وأولها أتعابى ، هيحس إنك منه ، وإنك مأمنه وسره .

التوكيل اللى جاى من وراه 500 جنيه بس وأنت محتاج ألف ، هييجى هييجى الألف ، و هيبقى اتنين وتلاتة كمان من ورا التوكيل ده بمشيئة ربنا طبعا ( بس اتقل ) 

متبقاش غشيييم أنت راجل محامى ( حاجة مش هينة يعنى )

إعمل فلوس وبعدها أنقل مكتبك لمكان أرقى وأعلى هيكون اسمك لمع ( بعدها خد فى صحة التوقيع 50 ألف جنيه ) 

أنا بقول لحضرتك اهو / 

خد 50 ألف فيها 

وقطع توكيلات الموكلين المقرفين ، ومتشتغلش ليهم تانى كمان لو تحب . 

ودى مش خيانة ولا بيع ( هو كان موكل مقرف وأنا ضغطت على نفسى واستحملته لأنى محتاجه ، وفى المقابل أخد شغل بما يرضى الله ، من حقنا بعد كده نرمى توكيله حتى فى أقرب سلة زبالة ) ودا مش بطر ولا غرور ولا تكبر ، لأنه كان ده مكانه الطبيعى من البداية .

محمود عمر دالوقتى أتعابة جنيه ، بعد سنتين خمسين جنيه ، حتى ولو هو نفس العمل ، وحتى لو لم تقابله زيادة معيشية ،

محمود عمر بعد سنتين اكييييد أفضل وأكيد أعلى أتعاباً ، وهكذا .... 

لكن من البداية يا صديقى ؟ 

يبقى أنت بتدمر نفسك صدقنى .

#فن #الإدارة ✋ 

#الدبلوماسية ✋ 

#المرونة ✋ 

#الحكمة ✋ 

وللحديث بقية ❤ 

يومكم سعيد يا حضرات 😍✋